Sereka DÎSKî Arzuye Çerkezoglu, Serekê Genel-Îşî Remzî Çalişkan û îdarekaranê DÎSKî Hemvervatoxê Partîya Çep a Keske Çîgdeme Kiliçgun Uçar û Îbrahîm Akin zîyaret kerdî. Wekîlê Partîya Çep a Keske yê êlihî Mehmet Ruştu Tîryakî û endamê MYKyî Sevtape Aktag û Mehmet Nurî Ozdemîr zî tewrê kombîyayîşî bîyî.

Arzuye Çerkezoglu zîyaret de pare kerd ke ganî bacî goreyê ameyeyanê karkeran bêrê eyarkerdene û meaşê karkeran bêrê weşkerdene.

Hemvervatox Îbrahîm Akinî vat: ''Rejîmo nikayên keno ke sîyasetê kurdan û muxalefetî tasfîye bikero. Eke ma yewîya xo ya têkoşînî Meclîs de zî pê qiseyê xo yew bikerê eşkenê têkoşînê komelkîyî zî pîl bikerê.''

Hemvervatoxe Çîgdeme Kiliçgun Uçar vat: ''Tirkîya welatê bacan o. Sermayedarî hema hema qet bacî nêdanê. Ma do vera ney têkoşînêkê bitesîrî bikerê.''