Hanîfe Arslana 76 serre 2017 de tepişîyabî û 9 mengan ra dima vera dîyabî. Dima mehkeme 2022 de bi îdîaya 'endamîya rêxistine' ancî a tepişte û cezaya zîndanî ya 6 serran daye ci. Dayîke Hanîfeya ke 21 mengî yo zîndan de ya 1 û 3yê çeleyî de zîndanî ra wedarîyabî Nêweşxaneyê Dursun Odabaşiyî ya Zanîngehê Yuzuncu Yilî yê Wanî.

Dayîke Hanîfe nêweşa şekerî, hîpertansîyonî ya û mezgê ci de zî apse est a. A nêweşîyanê xo ra nêeşkena şora. 

Kênaya dayîke Hanîfe Reyhane Oren ard ziwan ke ê teyna wazenê ke dadîya xo zîndanî ra vejê. Reyhane îfade kerd ke ganî dadîya ci keyeyê xo de bêra tedawîkerdene û vat: ''Nê serranê xo de zehmet o ke a zîndan de bimana. Ma wazenê ke dadîya bi weşûwar zîndanî ra vejîya. Wa dadîya mi hetê ma de tedawî biba. A nêeşkena zîndan de biciwîya. A nêeşkena miqatê xo veja. Hînî hêzê dadîya mi çin o ke xo îdare bikero. Hetê psîkolojîkî ra zî rewşa aye xirab a.''