Dadîya şehîde: Wa gorê komkîyî abikerê û esteyê kênaya mi bidê

Gerîlaya PKKyî Meral Hatîce Gunduz 1996 de qezaya Qisle ya Dêrsimî de 9 embazanê xo reyde şehîd bîyî. Dadîya Merale Mewlude Gunduz waşt ke wa goro komkî abibo û esteyê domananê înan bidîyê.

Merale Hatîce Gunduz wexto ke Fakulteyê Tipî de wendêne serra 1993î de tewra PKKyî bîya û serra 1996î de qezaya Qisle ya Dêrsimî de 9 gerîlayanê cinîyan reyde şehîd bîye.  Ceazayê 10 cinîyan 19 rojan ra dima hetê Şaredarîya  Qisle ra pêser ameyî definkerdene. Keyeyê Merale serra 2015î de zana ke kênaya înan şehîd bîye. Keye wazeno ke gor bêro akerdene û cenazayî wa teslîmê keyeyan bibê.

Dadîya Merale Mewlude Gunduz vat: ''Polîsî rayêk ameyî keye û înan kênaya mi persaye. Ez înan ra musaya ke kênaya mi 15 rojî verî şîya koyan. Serra 2015î de ma televîzyon de dî ke kênaya mi bîya şehîd. Ma muracatê MEBYA-DERî kerd. Ma musayî ke Şaredarîya Qisle 10 cinîyî yew gor de defin kerdî. Ma keyeyanê 9 gerîlayan ê bînan ra xeberêke nêgirewte. Têna ma esteyanê înan bivînê bes o. Ma xo rê înan defin kenê. Wa keyeyê bînî zî bêrê MEBYA-DER, ma pîya muracat bikerê. Wa esteyanê ma bidê ma.''

Dayîke Mewlude ard ziwan ke aye seba xo û kênaya xo 15 serrî verê cû Egil de gorêk amade kerd û venga selahîyetdaran da ke wa esteyê kênaya ci gorê komkîyî ra vejê û bidê ci.