Rayraşîyayîşê Azadîye baskanê Wan û Qersî ra 1ê sibate de dîyabi destpêkerdene û siba do bireso Amedî. Dadîyanê Nobeta Edaletî ya Amedî ANFyî rê qisey kerd û seba wayîrvejîyayîşî veng da.

Dayîke Meryeme Soylu vat: ''Ma edalet û haştîye wazenê. Ma tîya ra Rayraşîyayîşê Azadîye selam kenê. Armancê înan zî sey ma edalet, têdûştî û merdimatîye yo. Rayraşîyayîş 13ê sibate de do bireso Amedî. Ez venga pêro şarê ma dana ke a roje karê xo war verdo û paştî bido rayraşîyayîşî. Bêrê ma seba haştîye û edaletî 13ê sibate de waran de bê. Hînî ma merg û hêsîranê çiman nêwazenê. Heta ke Rayber Apo û pêro tepişteyî vera bidîyê ma do têkoşîn bikerê.''

Endama Îdareyê Amedî ya DBPyî Muşehere Ulker vat: ''Ma dadîyan seba edaletî bi rojan o tîya de yê. Ma azadîya Birêz Ocalanî wazenê. Çalakîyê ma yê seba şiknayîşê tecrîdî ewro pîlêr bîyê. Rayraşîyayîşê Azadîye 13ê sibate de do bireso Amedî. A roje her keso ke haştî, edalet û têdûştîye wazeno wa bêro Amedî. Wa her kes wurzo payan ser, têkoşîn bikero û paştî bido nê rayraşîyayîşî.''