Vervatoxa Partîya Demokrasîyî û Têdûştîye yê Şaran (DEM Partî) Ayşegule Dogan derheqê weçînitişê cayîyî yê 31ê adare de banê merkezê pêroyî yê partî de kombîyayîşê çapemenîye kerd.

Ayşegule Dogan reydayîşê şarî sey 'şolenê demokrasîyî' name kerdî û vat, ''13, 14ê çeleyî de do 90 herêmanê weçînitoşî de  sindoq bêrê ronayene û nêzdê 100 hezar delegeyan rey bişuxulnê û namzedanê bewlî bikerê. Eslê xo de ma namzedê partîya xo nê, kesê/a ke bajarê xo îdare keno/a vîjnenê.''

Ma verî 27 qezayanê ke tede namzedanê xo ramojnê eşkera kerdbî. Netîcaya xebatanê ke ma xo mîyan de kenê, ma derheqê na babete eşkerayîyan danê. Tay cayê ke ma do tede namzedanê xo vejê, ez wazena eşkera bikerî. Anqara, Antalya, Bolu, Konya, Kocaeli, Kayseri, Samsun. Ma do nê 7 bajaran de namzedanê xo ramojnê. Cayê bînê ke ma do tede namzedanê xo ramojne, bado ke xebatê înan qedîyayî ma do eşkera bikerê. Wa çim û goşê şima ma de bê.''