Hemvervatoxa Komîsyonê Şar û Bawerîyan ê DEM Partî Yuksele Mutlu serrgêra 37ine ya Qirkerdişê Enfalî de eşkerayîyêke daye û qurbanî yad kerdî. Eşkerayîye de wina ame vatene:

‘’14ê nîsana 1988î vîrê şarê kurdî de rojêka reşe bîye. Bi fermanê Saddam Huseyînî, bi hemkarîya hêzanê serdestan pşanê Enfalî ame kerdene. Bi hezaran kurdî bi çekanê kîmyewîyan ameyî qetilkerdene, dewî ameyî xerakerdene û gorê komkîyî ameyî kenayene. Nê qirkerdişî tena wijdanê şarêkî de ney, wijdanê pêro merdimatîye de birînêka xorine akerde.

Enfal tena operasyonêko leşkerî nêbi, kerdişêkê îmhaya kurdan bi. Armancê Enfalî pakîkerdişê şaran bi.

37 serrî vîyartî la dej û hêrsê ma gandar ê. Ganî mesuldarê nê qirkerdişî hesab bidê, bêceza nêmanê û edalet bêro caardene. Ma xo vîr a nêkerd, ma efû nêkerd û ma do nêverdê ke vîr a şoro.’’