Partîya Demokrasîyî û Têdûştîye yê Şaran (DEM Partî) startê xebatanê weçînayîşê cayîyî yê 31ê adare Amed da. Badê nasdayîşê namzedanê cinîyan semedê nasdayîşê pêro namzedan otêlêke de aktîvîteya bîne ameye kerdene. Pîya bi namzedanê şaredarîye bi hezaran kesî tewrê aktîvîte bîyî.

Aktîvîte bi rezêgirewtişê semedê şehîdanê têkoşînê azadîye û demokrasîyî dest pêkerde. Tulaye Hatimogullari  bi vîrardişê grevê vêşanîye ke vera tecrîdê serê Rayberê Şarê Kurdî Abdudullah Ocalanî ame destpêkerdene dest pê qiseykerdişê xo kerd. Hatimogullari nê vatî: Dewaya ma têkoşînê heqî yo ke  şarê kurdî semedê çareserkedişê problemanê xo rayra beno. Têkoşînê ma yê elewîyan û şaran bînano ke raştê neheqîye yenê.  Têkoşînê ciwanan, cinîyan û pawitoxanê xoza yo. Têkoşînê ma têkoşînê karkeran, kedkaran û feqîran o. Ma do miheqeq ser bikewê. 

Ma do 31ê adare de serkewtişî dîyarîya nê şaran bikerê. Ma do miheqeq qeyûman bişawê. Ma do înan serûbin bikerê. Ma do semedê kurd, tirk, elewî, ermenî û suryanîyan xizmet bikerê. Ma do qeyûman gezi bikerê. Qeyûman senî ke hêrişê kurdkî kerd, wina hêrişê destkewteyanê cinîyan zî kerd. Hemşaredarî, endamê meclîsan eştî zîndanan. Merkezê paştdayîşê cinîyan de mudirê camêrdî ca kerdî.  Polîtîkayê cinîyan, serekê daîreyan wedaritî. Cografyaya ma de şer o giran est o. Şarî xebera serkewtişî pawenê. Ma do 31ê adare de serekwtişî dîyarîya şaran bikerê. Ma do miheqeq ser bikewê.