Hemserekanê Pêroyîyan ê DEM Partî seba Roja Haştîye ya Dinya ya 1ê Êlule mesajê xo da û vat: ''Heta ewroyî zaf bedelî ameyî dayene, dej ame antene. Awankerdişê haştîye ra ber qet yew çareya ma çin a.''
Hemserekanê Pêroyîyan ê DEM Partî Tulaye Hatîmogullari û Tuncer Bakirhanî seba Roja Haştîye ya Dinya ya 1ê Êlule mesajê xo da. Mesaj wina yo:
''Nê çaxî de ke sere de filîstînijî û kurdî temamîya şaranê Rojhelatê Mîyanênî binê hêrişanê giranan de yê şerê mabênê Rûsya û Ukrayna xorinêr beno û xeylêk cayanê dinya de şerî dewam kenê. Ewro çîyo tewr manadar no yo ke ma têkoşînê haştîye ganî her wextî ra zafêr berz bikerê.
Cewabo tewr werş ê seba ê kesanê ke ameyoxê xo bi îstîsmarkerdişê doman, cinî û merdiman girê danê afernayîşê cuyêka newîye yo haştîyane yo
Mumkîn a ke ma dinya de bi ziwan, reng, dîn ûsn. bi azadî û têdûştî biciwîyê. Heta ewroyî zaf bedelî ameyî dayene, dej ame antene. Awankerdişê haştîye ra ber qet yew çareya ma çin a. Seba ney hêz û bawerîya ma est ê.
Ma do 1ê Êlule de vera şer, tecrîd, darbe, nîjadperestî û bêhuqûqîye veng û waştişê xo yê haştîye berzêr bikerê. Ma 1ê Êlule de bi şîarê 'Vera şerî haştîye, vera tecrîdî azadîye' vejîyê waran.''
