Heyetê Rayberdişî yê Merkezî yê DEM Partî bi eşkerayîyêke vera hêrişanê dewleta tirke yê serê Rojawanî nêrazîbîyayîşê xo mojna. 

Eşkerayîye wina ya:

''23yê kanûne ra nata Rojawan de sere de ambarê genim û rafîneyê petrolî binawanîya cuye bi giranî dîyenê bombayan ver. Nê hêrişan de tesîrê gaz, ceyran û petrolî zî yenê hedefkerdene. 25ê kanûne de hêrişan de xeylêk sivîlan dinyaya xo bedilnaye. 

Teyna emser bi droneyanê çekdaran vera Rojawanê Kurdîstanî 117 hêrişî ameyî kerdene û 86 merdimî ameyî qetilkerdene. Îqtîdarê AKP-MHPyî madeya 51. ya Peymana Neteweyanê Yewbîyayen binpay keno û sûcanê şerî keno.

Şarê Tirkîya seba çareserîya meseleya kurdan çareserîyêka demokratîke û haştîyane wazenê. Şerî 40 serran o qetî faydeyê komelî nêkerd. Îqtîdarê AKP-MHPyî xîret keno ke bi şerî îqtîdar de bimano û neçareserkerdişê mesele de israr keno. 

Bombardumanê vera binawanîyan û sivîlan sûcê şerî yê. Peynîya hêrişanê serê Rojawanî wa cade berê. Ma venga rayaumûmîya demokratîke û pêro kesanê ke dûştê şerî yê danê ke têbigêrê. Ma eşkenê pîya verê şer û mergan bigêrê.''