Heyetê Rayberdişê Merkezî yê DEM Partî bi eşkerayîyêke dîyar kerd ke êzidîyî gefê qirkerdişêkî de têrî yê ke PDKyî organîze kerdo. 

Eşkerayîye de wina ame vatene: ''Gefo ke vera êzidîyan bi destê Barzanîyan yeno kerdene zemînê pakîyêka etnîke û bawerîye amade kenı.  Hukmatê Herêma Kurdîstanî şert û mercanê giranan êzidîyan rê ferz keno ke naye ra êzidîyî koçê teberê welatî kenê. Bi hezaran êzidîyî zî kampan de binê kontrolê PDKyî de manenê û kenê ke abigêrê Şingalî.

Gefê operasyonan ê vera Şingalî verê fermanêkê neweyî akenê. PDKyî wextê hêrişanê DAÎŞî de şarê êzidîyan teyna verdabiç Ma PDKyî û hukmatê Herêma Kurdîstanî hişyar kenê ke peynîya kerdişanê xo bîyarê. 

Ma venga komelê mîyanneteweyîyî danê ke seba êzidîyan bi lezî bikewo mîyanê têgêrayîşan. Ma venga şarê xo danê ke vera nê gefan hişyar bibo. Ma vera zulmî bêveng nêmanê. Ma pîya vengê xo berz bikerê û nê sûcê vera merdimatîye vindarnê.''