Partîya Têdûştîye û Demokrasîyî ya Şaran (DEM Partî) do namzadanê xo yê vîjnayîşê cayîyî yê 31ê adare bi vervîjnayîşê  13-14 çeleyî bewlî bikero. Hemserekanê Pêroyî yê DEM Partî  Tulaye Hatimogullari û Tuncer Bakirhanî  hesabê medyaya sanale yê partîye ra semedê tewrbîyayîşê vervîjnayîşî veng da.

Hatimogullari vat, ''Ma reydayîşê şarî de pêro pîya namzedanê xo yê îdareyê cayîyî vîjnenê. Sere de cinîyî ma veng danê ke wa heme delegeyê ma reyanê xo bişuxulnê. Seba ke ma şaredarîyanê xo yê demokratîkan newera ronê, qeyûman şaredarîyanê xo ra bierzê teber, çîyêko yê ma yo peyser bîgêrê  ma peynîyê nê hewteyî de reya nê xo bişuxulnê.''

Bakirhan zî nê vatî: ''Verê ma de  vîjnayîşo muhîm yê îdareyê cayîyî est o ke ma wazenê şarê ma ser bikewo. Ma do pîya bi 100 hezar delegeyan 90 cayan de vervîjnayîş bikerê. Bi metodêkê demokratîkî yo ke heme dinya de nêameyo ceribnayene, namzedê ma hetê şima delegeyanê erjîyayeyan ra yenê vîjnayene. Pê reyanê şima do namzedê ma bêrê vîjnayene. Seba ke ma pîya bajarê xo îdare bikerê, nazedanê xo bivjînê û ser bikewê wa heme delegeyê ma reyanê xo bişuxulnê.