Hemvervatoxanê Komîsyonê Têkilîyanê Teberî yê DEM Partî Ebruye Gunay û Berdan Ozturkî bi eşkerayîyêke derheqê suîkastanê Îsraîlî de nêrazîbîyayîş mojna. 

Hemvervatoxan ard ziwan ke suîkastê Îsraîlî do bibê sebeb ke Rojhelatê Mîyanênî de şer û kaosî bizêdîyê. Hemvervatoxan vat: ''Suîkastê sîyasî yê Îsraîlî duştê huqûqê mîyanneteweyîyî yê û sûcê şerî yê. Ma nînan bi xurtî şermezar kenê. Hukmatê Netanyahuyî seba ke haştîye û çareserîye ra terseno şer de israr keno. Bi nê suîkastan waştişê şarî yê meşrû û heqdarî do nê qedê. Dinya hetê filîstînijan de ya. Ma sey DEM Partî îfade kenê ke adresê çareserîye dîyalog û muzakereyan o.''