Rêxistina DEM Partî ya Anqara derheqê tecrîdê vera Rayberê Şarê Kurdî Abdullah Ocalanî û grevê vêşanîye yê tepişteyan de kombîyayîşê çapemenîye kerd. Endam û îdarekarê ÎHD, OHDyî zî beşdarê kombîyayîşî bîyî.

Kombîyayîş de Hemserekê DEM Partî yê Anqara qisey kerd û da zanayene ke 104 zîndanan de tepişteyî vera tecrîdî, bi grevê vêşanîye xoverdayîşêkê xurtî kenê. Kanatî vvat: ''Birêz Ocalan seba prosesê haştîye yê neweyî wayîrê rolê girîngî yo. Coka ganî cade tecrîdê Îmraliyî bêro wedaritene û azadîya Abdullah Ocalanî bêra caardene. Şero nikayên bi xirabî tesîrê şaranê Tirkîya keno. Wa adir nêkewo keyeyan. Ma venga hukmatî danê ke wa rayîrê haştîye bivîno, waştişanê tepişteyan bîyaro ca û seba çareserîya meseleya kurdan têbigêro.''

Hemserekê ÎHDyî yê Anqara Omer Faruk Yazmaciyî zî ard ziwan ke Girawa Îmraliyî cayê bêhuqûqî yo. Yazmaciyî vat: ''Vera tecrîdî huqûq lazim o. Ocalan hewceyê pawitişê çewî nîyo la ameyoxo azad û haştîye hewceyê Ocalanî yê.''