Serekwekîla DEM Partî Gulîstane Kiliç Koçyigit kombîyayîşê çapemenîye yê meclîsî de zextê vera ziwan û kulturê kurdan ziwanê tûjî rexne kerdî.

Gulistane Kiliç Koçyigit pankartê nuşteyê hîşyarkerdişî yê "Pêşî Peya" yo ke ame esteritene mojna ra û vat hêrişê  ziwan û kulturê kurdan zêdîyayî.

Koçyigite esteritişê nuşteyanê kurdkîyan sey caardişanê wextê darbeya 12ê Êlule hesibnayî û vat: ''Ewro zî kurdbîyayîş qedexe yo, govendegirewtiş qedexe ya. Îqtîdarê AKPyî vera ziwan û kulturê kurdan cîya nêzdî beno. Hetê polîsan ra tîmêkê tepiştişê govende ameyo ronayene. Kewnê waranê taybetan û veyveyanê kurdan û medyaya sosyale de dîmenan arê danê û hêrişê kurdan kenê. Çete û mafya serbest gêrenê la kurdî rîyê govende ra yenê tepiştene. Îqtîdarê AKPyî ke pê akerdişê TRTyî tim xo fasifneno nuşteyê kurdkî yê şaredarîyanê ma rê tehamul nêkeno ke semedê xizmetî şarî ameyo nuştene. Rixmê heme zextan kurdî do sey tim xover bidê.''