Denîze Poyraza ke 17ê hezîrana 2021î de Rêxistina HDPyî ya Îzmîrî de hetê kesêkê faşîstî yê paramîlîterî ra amebî qetilkerdene salona ke tede ameye qetilkerdene de ameye yadkerdene. Salone de pankarta bi nuşteyê 'Sifreyê tîje de, rayîrê Denîzan de' ameye akerdene. Keyeyê Denîze Poyraz, Serekwekîlê Grûba HDPyî Saruhan Oluç, Vervatoxa Meclîsê Cinîyan ê HDPyî Ayşe Acar Başaran zî tede wekîlî, temsîlkarê rêxistinanê komelê sivîlî û xeylêk endamê HDPyî tewrê merasîmî bîyî.

Wekîla HDPyî ya Îzmîrî Serpîle Kemalbay merasîm de qisey kerd û vat: ''Dormeyê partîya ma tim binê ablûqaya polîsan de yo. Ma wina fikirîyenê ke no yew hêrişê dewlete yo. Bi nê hawayî wazenê ma bitersnê. La ma nêtersenê û têkoşînê xo rê do dewam bikerê. Ê wazenê pê krîmînalîekerdişî partîya ma biqefilnê la şarê ma Amed de partîya înan qefilnaye. Ma do vengê dadîyanê ke ewladê înan bîyê qurbanê faşîzmî berz bikerê.''

Qiseykerdişan ra dima saeta qetilkerdişî de 10.50 de salone deqayêk rêz ame girewtene û sloganê 'Şehîdî nêmirenî' ameyî vatene. Dima girse pîya Goristanê Buca de şi serê gorê Denîze Poyraz.