Dêrsim de serkêşîya Platformê Kede û Demokrasî de 1ê Gulane ame fîrazkerdene. Bi hezaran kesan pê pankart û flamayan ver bi Meydanê Seyîd Rizayî rayraşîyayîş kerd. Rayraşîyayîş de sloganî ameyî vatene û pankartî ameyî kiriştene.

Sloganê sey ''Bijî Yekê Gulanê'', ''AKP do hesab bido şarî'' reyde girseyî fotografê şorişgêran kiriştî. Xeylêk esnafan pê çepik û sloganan paştî daye rayraşîyayîşî.

Girseyî bi coşêkê pîlî kewtî meydan. Wexto ke kortejê Partîya Çep  a Keske dekewt meydan tîlîlî û çepikî zêdîyayî. Kortejê partîye de Hemserekê KCDyî Berdan Ozturk û Vervatoxe Çîgdeme Kiliçgun Uçar zî amade bîyî. 

Meydanê Seyîd Rizayî girseyan ra qij ame û tay kesî teberê meydanî de mendî. Şayîye de bi deyîranê kirdkî govende ameye girewtene.