Partîya Çep a Keske taxa Cumhuriyetî yê merkezê Dêrsimî de bi beşdarîya namzete Aytene Kordu û Başake Demîrtaş Buroyê Weçînayîşî yê Cinîyan ê Aysele Dogan Gazîk akerd. 

Başake Demîrtaş akerdiş de pare kerd ke ê do bi sloganê 'jin, jiyan, azadî' weçînayîşan de ser bikewê û her ca de cuya azade awan bikerê. Başake vat: ''Ganî ma embaze Aytene bişawî Meclîsî. Mi şima rê selamê Selahattînî ard. Ma pê bawer ê ke 14ê gulane de şarê Dêrsimî tercîhê xo hol bikero.''

Dima Aytene Kordu qisey kerd û vat: "Ma ewro tîya de yê û do tim tîya de bibê. Têkoşînê ma heta peynî do dewam bikero. Ma wazenê Dêrsim de bi bawerî û nasnameyê xo bi azadî biciwîyê."

Aytene Kordu û Başake Demîrtaş cinîyan reyde dima kevokê sipîyî perrnayî û buro akerd. 

Heyetî dima pîya Jîyargeyê Ana Fatma zîyaret kerd, çirayî vistî ta û loqmayî bar kerdî.