Roniştişê 31. yê Dewaya Kobanê Kampusê Zîndanê Sîncanî de, Mehkemeya Cezaya Girane ya Anqara de ame kerdene ke çarçewa dewa de 18ê ci tepişteyî 108 sîyasetmedarî yenê muhakemekerdene. Tay tepişteyî bi rayîrê SEGBÎSî tewrê mehkeme bîyî. 

Avûkat Kenan Maçogluyî da zanayene ke dozgerî mutalaya dewa seba karîyerê xo amade kera û raştîyî tede nêvatê. Maçogluyî pare kerd ke îqtîdar  Dewaya Kobanê seba weçînayîşanê herêmîyan şuxilneno. 

Avûkat Kenan Maçogluyî vat: ''Mutalaya dewa de her çi est o la DAÎŞ çin o. Seke DAÎŞî tewr qetlîamêk nêkerdo mutala ameya amadekerdene.''

Roniştiş taloqê 8ê êlule (siba) ame kerdene.