Roniştişê dewaya 10 tepişteyanê ke 24’ê Êlule 1996’î de Hepisxaneyê Amedî yê Tîpê E’yî de hetê  esker, polîs û gardîyan ra bi uşîranê asinan û daran ameyê qetilkerdene, Mehkemeya  Cezaya Giran a Amedî ya 3’ine de ame viraştene.

Mehkemeya herême seba 62 vergumanana bi sûcê “Bi zanayîşî kiştişê xeylî kesî’ û ‘wezîfeyê xo xirab bica ardene’ ra 5 serrî cezaya hepisî û 3 serrî zî xebatê umûmîya durîfîştîş, 3 vergumanan rê qerarê verdayîşî, seba 7 vergumanan zî serê qerarê mehkemeya berze ra derbazbîyayîşê demî ra, roniştişê dewa newe ra ame viraştene. Mehkeme semedê derbazbîyayîşê demî ra qerarê betalkerdişê dewa da.

Bi îlawekerdişê dosyaya Kadîr Demîro ke wextê hêrişî de bi birîndarî sewqê Hepisxaneyê Dîlokî kerdo û uca cuya xo vînde kerda hûmara vergumanan bîbî 89. Roniştiş dewa de dimayê qerarê betalkerdişê Mehkemeya Berze hûmara vergumanan bîye 50 û vergumanî tewrê roniştişî nêbî, avûkatê ci dimayê îmzakerdişê zabitnameyê mehkeme roniştişî ra vejîyayî.

Roniştiş de avûkat Bariş Yavûz, Dorşîn Oner û Derya Yildirime amade bîyî. Meqamê îdîayê mutalaya verêne ya waştişê cezaya seba 63 vergumanan a seba ‘bi nêzanayîşî kiştişê kesî û semedê mirdişê kesî’cîya cîya dubare kerde. Avûkat Bariş Yavûzî bale ante serê qerarê Mehkemeya Heqanê Merdiman a Ewropa (MHME) yo ke derheqê dosya de dayo, ganî heme vergumanî goreyê madeya TCK’î ya 450/3’ê bêrê cezakerdene. Mehkeme goreyê Qanûnê Mehkemeya Ceza ya madeya 223/8 qerarê betalkerdişê dewa da.