5 herêmanê qezaya Basa ya Şirnexî de seba 15 rojan qedexeyê dekewtiş û vejîyayîşî ame îlankerdene. Dewa Bana zî mîyanê nê herêman de ya ke nêzdîyê di aşman o binê qedexeyan de ya.

Wekîlanê Partîya Çep a Keske yê Şirnexî Newroze Uysal Aslan, Mehmet Zeki Irmez û îdarekaranê DBP û HDPyî yê bajarî dewa Bana zîyaret kerd. Leşkeranê tirkan dekewtişê dewe de wesayîtî vindarnayî û nasnameyî kontrol kerdî. Heyet wextê zîyaretî de hetê leşkeran ra ame teqîpkerdene.

Dewijan vat: ''Di aşmî yo dekewtiş û vejîyayîşê dewe binê kontrolî de yê.  Mabênê saeta 10.00 û 16.00 de ma nasnameyanê xo teslîmê leşkeran kenê wina şinê bexçeyanê xo awe danê. Nika qedexeyê 15 rojan ame îlankerdene.  Çerênayîşê heywananê ma rê zî destûr nêdanê. Ma mecbur mendê heywanê xo şawitê dewanê cîranan.  Ma riz ramito ganî tim bêro awedayene. Eke awe medîyo beno wişk û keda ma do veng ra şiro. Wendakarê ma nêeşkenê şirê mekteb. Servîsê mektebî ameyî vindarnayene. Verî zî dewa ma vêşnaye la ma dewa xo canêverda. Hêna bikerî zî ma do cameverdê.  Bi serran o ma bi nê caardişan rî bi rî yê. Kam ke goreyê qedexeyî têmegêro bi mergî yeno tehdît kerdene. Eke mêşnayêka ma bibo vîn ma nêeşkenê şirê bigêrê ci. Eke sînorê ke xez kerdî ma nînan biverê, ma bi mergî tehdît kenê.''