Dewletat tirke planê çalakîye yo ke derheqê Rayberê Şarê Kurdî Abdullah Ocalanî de teqdîmê Komîteya Wezîran a Konseya Ewropa kerd de reyna caardişê ''heqê hêvî'' red kerd.

Rêxistinanê heqanê merdiman û huqûqî seba ke tepişteyê Îmraliyî heqê hêvî ra feyfe bikerê muracatê Konseya Ewropa kerdbi.

Muracatî çarçeweya ''cezaya muebedê giranî'' ya ke dîyaya Rayberê Şarê Kurdî Abdullah Ocalan, Hayatî Kaytan, Emîn Gurban û Civan Boltanî de ameyî kerdene. Muracatan de qerarê binpaykerdişî yê Mehkemeya Heqanê Merdiman ê Ewropa zî amebi vîrvistene û ame waştene ke wa na rewşe lezabez bêro destgirewtene. Komîteya Wezîran a Konseya Ewropa ke cewabê nê muracatan da, Tirkîya ra waşt wa heta êlula 2022yî derheqê gamanê ke semedê ''cezaya muebedê giranî'' eştê zanayîş bido. Dewleta tirke 14ê teşrîna verêne de planêko newe yê çalakîye teqdîm kerd. Planê çalakî de bale ameye antene tehlîyeya şartine ser û ame vatene ke tay ''sûcî'' ''îstîsna'' yê û tepişteyê ke Îmrali de yê nêeşkenê nê heqî ra feyde bikerê.

Anqara reyna caardişê ''heqê hêvî'' red kerd û vat: ''Tepişteyê ke cezaya muebedê giranî dîyaya ci eşkenê şartin bêrê veradayene la înanê ke sûcê tewr giranî kerdî nêeşkenê nê heqî bişuxulnê.''