Komeleya Rojnamegeran a Dîcle-Firatî (DFG) û Komeleya Rojnamegeran ê Cinîyan a Mezopotamya (MKG) Amed de bi wesîleya Roja Rojnamegeranê Ke Xebitîyenê ya 10ê Çeleyî eşkerayîyêke daye. 

DFGyî eşkerayîya xo de pare kerd ke xeylêk rojnamegerî tepişte yê û astengkerdiş û qedexeyan ra rojnamegerî nêeşkenê karê xo bikerê. DFGyî vat: ''Vera çapemenîya azade û rojnamegeranê kurdan teda û bêhuqûqîyê pîlî yenê kerdene. Hînî nêno verdayene ke rojnamegerî nefesî zî bigêrê. Îqtîdarîya AKPyî ra nata çapemenîye kewta halê tewr pêrîşanî.  Rixmê nê kerdişan zî rojnamegerî bi ganê xo seba ke raştîyan biresnê şarî têkoşîn kenê. Eqsê îdîayanê Wezîrîya Edaletî ewro 50 rojnamegerî zîndanan de yê.  Rojnamegerî seba ke karê xo kenê raştê destbendkerdiş û tepiştişî yenê. Ma bi na rewşe kewte 10ê Çeleyî. Bi şîarê 'çapemenîya azade komelo azad' ma do paştdayîşî pîlêr bikerê û zorbazîye çin bikerê.''

MKGyî zî eşkerayîya xo de da zanayene ke her roje tepiştiş û destbendkerdişê vera rojnamegeran zêdîyenê. MKGyî vat: ''Rojnamegerê cinîyî yenê hedefkerdene. Ewro zîndanan de embazê ma yê tepişteyî vera kerdişanê xiraban û zulmî xo ver danê. Hemsereka DFGyî Dîcle Muftuoglu 257 rojî yo zîndan de ya. Ancî 10 embazê ma yê cinîyî zîndan de tepişte yê. Ewro seba ke rojnamegerê cinîyî 'nêxebitîyê' her tewirê hêriş û teda yenê kerdene. Ma sey MKGyî ancî vanê ke ma do tim mîyanê paştdayîşî de bê.''