Koordînasyonê Têgêrayîşê Ciwanîye yê Demokratîkî (DHG) da zanayene ke înan seba wedartişê tecrîdê serê Rayberê Şarê Kurdî Abdullah Ocalanî, silamkerdişê çalakîya Leyla Guvene û şermezarkerdişê Qirkerdişê Roboskî  Kurdistan û Tirkîya de çalakîyî viraştî.

Goreyê naye;

STENBOL

29ê Kanûne de Sultangazî ya Stenbolî de hetê Yewîya Qesasî ya Şehîd Baran Mawa ra çalakîyêk ameye viraştene.

ÎZMÎR

31ê Kanûne de zî bi heman waştişî qezaya Gazîmerî ya  Îzmîrî de Yewîya Qesasî ya Şehîd Nazelîn Korkutî  di wesayîtî vênayî.

MERSÎN

30ê Kanûne de Mersîn de zî çalakîyêk ameye viraştene. Yewîya Qesasî ya Şehîd Zana wesayîto ke aîdê şexsêkê MHPyî yo vêşna.

AMED

31ê Kanûne de Amed de hetê Yewîya Qesasî ya Şehîd Baranî ra Baxlar de çalakîya nuşteyê dêsan ameye viraştene.

ANTALYA

3ê  Kanûne  de qezaya Manavgatî ya Antalya de Yewîya Qesasî ya Şehîd Harûn Serhatî cayê tehmîrkerişê Makînayê Karî vêşna. Çalakîyê de di wesayîtanê şaredarîye zirar dî û xesaro madî ame meyan.