Wekîlê DEM Partî yê Wanî Mahmut Dîndarî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Dîndarî ard ziwan ke seba peynîya mergan û şerî bêra ganî tecrîdê vera Abdullah Ocalanî bêro wedaritene. Dîndarî vat: ''Her  kes zaneno ke mefteyê haştîye Îmrali de yo. La herinda caardişê haştîye de tecrîd ame girankerdene. Nika vera tecrîdî Nobetê Edaletî yenê kerdene. Dadîyî seba domananê xo yê tepişteyan û vera tecrîdê Îmraliyî nê çalakîyan kenê. Ganî vengê nê dadîyan bêro eşnawitene. Hukmat çalakîyanê dadîyan peygoş keno, haştîye nêwazeno û wedaritişê tecrîdî asteng keno.''

Dîndarî îfade kerd ke ê tim hetê dadîyan de yê û vat: ''Ma bi se hezaran serrî yo nê erdî de yê la nasnameyê ma yeno înkarkerdene. Eke tecrîd bêro wedaritene verê şerî zî do bêro girewtene. Tepişteyê ke zîndanan de grevê vêşanîye de yê haştîye wazenê. Tirkîya ganî qanûnanê xo bîyara ca û tecrîdî wedarna. Haştîye bi Abdullah Ocalanî mumkîn bena. Coka wa Zîndanê Îmraliyî bêro qefilnayene. Wa Birêz Ocalan bi azadî fikranê xo vajo.''