Seba dîyarkerdişê namzetanê Şaredarîya Amedî verweçînayîşê DEM Partî qedîyayî. 

Turê diyînî yê verweçînayîşî de vizêr sindoqan ra nameyê Dogan Hatunî vejîya. Hatunî se ra 64ê rayan girewtî.

Netîceya rayanê şarî de Dogan Hatun û Serra Bucak bîyî namzetê Şaredarîya Amedî yê DEM Partî.

Rêxistina DEM Partî ya Amedî hesabê xo yê medyaya dîjîtale de no mesaj da: ''Turo diyîn qedîya. Pêro sindoqî ameyî akerdene û hûmaritişê rayan qedîya. Garîp Kandemîr se ra 36ê rayan û Dogan Hatunî zî se ra 64ê rayan girewt. Dogan Hatun bi namzetê Şaredarîya Amedî.''

Namzeta cinîye Serra Bucak cara turê yewinî de amebî dîyarkerdene.