Endamê Komîteya Rayberdişî ya PKKyî Duran Kalkanî  Medya Haber TV de serra 2023yî ercnayî.

Ercnayîşanê Kalkanî ra tay noqtayê girîngî wina yê:

''Ma serra 2023yî sey serra hêvî û xoverdayîşî pênase kerdbî. Raşta zî emser serra xoverdayîşî bîye. Her çî ra ver 2023 de her çi eşkera bi  yanî ma dî ke yar û neyarê ma kam ê. 2023 de ma sey şarî, cinî û ciwanan bi xurtî xo ver da.

2023 de serkêşîya xoverdayîşê Îmraliyî de serra xoverdayîş û hêvî ya. 2023 de seba azadîya Rayber Apoyî û vera tecrîdê Îmraliyî xebat û çalakîyê girîngî ameyî kerdene. Nînan ra aya tewr girînge Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ya. Na hemle morê xo da binê 2023yî ro. Na hemle vera vera pîlêr bena. Tepişteyan zî çarçewa na hemle de dest pê grevê vêşanîye kerd. 

Ancî Roja Kitabanê Ocalanî ya 10ê Kanûne de zî çalakî û aktîvîteyê girîngî ameyî kerdene. Ganî fikr û kitabê Rayberîye hîna hol bêrê famkerdene ke paradîgmaya ci bêra famkerdene. Na babete de xora kêmasîyê ma zî est ê. Ganî ma zî fikrê Rayber Apoyî hîna zaf bidê famkerdene. Ma do 2024 de na hemleya azadîye pîlêr bikerê, felsefeya Rayberîye hîna hol bidê şinasnayene û 2024 bikerê serra serfîrazîye. 

2023 de gerîlayan derbê giranî dayî artêşa îşxalkere ro. 2023 de Vakurê Kurdîstanî de zî Herêmanê Pawitişî yê Medya de zî gerîlayan xoverdayîşêko pîl mojna ra. 23-25ê kanûne de Operasyonanê Şorişgêran îşxalkerî şoq kerdî. Nînan de xeylêk îşxalkerî ameyî cezakerdene. Vanê ke gerîlayan kiştê. Ê çi gureyê leşkeranê şima nê cayan de est o? Eke leşkerî bêrê erdê ma xora gerîlayî do bidê piro. Ganî şarê Tirkîya na babete de Erdogan û rejîmê ci rexne bikerê.

Gerîlayan 2023 noqta kerd, îmzaya xo eşte binê ci. Wa her kes bi eşqê gerîlayan bawer bibo. Êyê ke vera gerîlayan şer kenê û hemkarîya dewleta tirke kenê zî do hetê dewleta tirke de bin bikewê. Biewnê weçînayîşanê Iraq û Başûrî de PDK senî bin kewt. 

Vatişê çalakîyanê gerîlayan ra dima dewleta tirke hêrişê Rojawanî kerd raşt nîyo. Eleqeya şerê gerîlayan ê Herêmanê Pawitişî yê Medya bi Rojawanî çîn o. Gerîlayan ra nêbo dewleta tirke ya dişmenê kurdan zafêr hêrişê Rojawanî kena.Tersê gerîlayan ra hêrişê hewayî kena. Nê hêrişan de dewleta tirke sivîlan û waranê înan kena hedef. Her kes Îsraîlî şermezar keno la çew verê dewleta tirke de fekê xo anêkeno. Dewleta tirke zî sey Îsraîlî hêrişê binawanî, nêweşxane, dibistan û dezgehanê xizmetî kena. Êyê ke xo rê vanê demokrat ganî hêverî vera nê hêrişanê serê Rojawanî vengê xo vejê. 

Ez tewirê xoverdayîşî yê şarê Rojawanî selam kena. Dewleta tirke dişmena kurdan û pêro şaran a. Hêrişê ci nêeşkenê çimê ma bitersnê. Wa şarê ma yê Rojawanî erdê xo terk mekero û xopawitişî bikero.  Ez venga şarê Rojawanî dana ke bi rêxistinîyêka xurtêre xo bipawo.''