Çarçewa xebatanê weçînayîşî yê Partîya Çep a Keske de şaristanê Dusseldorfî yê Almanya de stand ronîya û şaristanê Londonî yê Îngilîstanî de zî aktîvîteya ciniştişê bisîklêtan ameye kerdene.

Dusseldorf de zerrîwazan stand de broşurî vila kerdî, agahîyî dayî û venga pêro kesan da ke raya xo bidê Partîya Çep a Keske. Stand de dîya zanayene ke weçînitoxî eşkenê mabênê 27ê nîsane û 9ê gulane de raya xo bidê. Stand de govende gêrîyaye. 

Endamanê  Klûba Bisîklêtan a Londonî ê ke zerrîwazê cinîyî yê Partîya Çep a Keske yê zî, bi tîlîlî û sloganê ''Raya xo bide Partîya Çep a Keske'' pedalî zivirnayî. Cinîyan seferanê xo de operasyone qirkerdişê sîyasî yê vera kurdan zî protesto kerdî û eşkerayîyêke daye. Cinîyan vera sloganê sey ''Jin, jiyan, azadî'' vatî û broşurê Partîya Çep a Keske vila kerdî.