Multecîyo sîyasî Ecevit Pirogluyo ke  menga hezîrane ya 2021î de Sirbistan de bi waştişê îadekerdişê Tirkîya ame tepiştene, bi şertê Sirbistanî ra nêvejîyayîşî serbest ame veradayene.

Vervatoxê Platformê Vengê Tepişteyan (TSP) Baki Selçukî vat:''Verê nêweşxaneyî, ame berdene kampe, dima ra ame berdene qereqolî. Nika azad o.''

Piroglu seba ke bibo azad dest pê grevê vêşanîye kerdbi. Pirogluyo ke kîloyê ci kewtbi binê 45î  26ê hezîrane de roja 136.  ya çalakîye xo de bi vengdayîşê rêxistina ci Partîya Komunaranê Şorişgêran/Hêzê Azadîya Yewbîyayeyî (DKP/BOG) çalakîya xo qedînabî.