Partîya Çep a Keske xebatanê xo yê weçînayîşan rê dewam kena. Çar hetanê Kurdîstanî û Tirkîya de îqtîdarê AKP-MHPyî hêrişanê xo rê dewam keno. 

Rayîrê Saraçlarî yê Edîrne de vera standê Partîya Çep a Keske hêriş ame kerdene.

Komêka hêrişkere milê namzed Serdal Zimba û Sara Ay şiknayî, endamêkê partî yo bîn zî birîndar bi. Dîya zanayene ke hêrişkeran ra 5 kesî ameyê destbenkerdene.

Rêxistina Partîya Çep a Keske ya Edîrne medyaya dîjîtale de derheqê babete de vat: ''Ma Edîrne de seba weçînayîşan xebitîyenê. Polîsî sereyê ma de bîyî la reyna zî komêka faşîste hêrişê ma kerd. 5 kesî ameyî destbendkerdene. Namzedê ma yê wekîlîye û embazêka ma ya cinîye zî tede 3 kesî birîndar bîyî. Embazê ma îfade danê. Ma do vera tedayan apey gamêke nêerzê.''