Pawitoxê heqanê merdiman Ehmed Esedîyê fasijî Ehmed Esedîyî ANFyî rê qala heyranîya xo ya bi Rayberê Şarê Kurdî Abdullah Ocalanî û fikranê ey kerde.

Ehmed Esedîyî îfade kerd ke Rayberê Şarê Kurdî Ocalan lîderêko girîng o û vat: ''Birêz Ocalan warê leşkerîye û warê sîyasîyî de zî lîderêk o. Rixmo ke çend serrî yo zîndan de yo îrade û têkoşînê ci nêşikîyayê. No serkewtişêko pîl o. Ez sey fikranê Abdullah Ocalanî fikirîyena. Dewleta tirke bi mezgê otorîterî şarî îdare kena. Şarê kurdî rê zî zulmêko pîl yeno kerdene. Şarê kurdî ganî cade azadîya Abdullah Ocalanî bîyaro ca; çunke o lîderêko girîng o ke eşkeno Tirkîya de haştî û demokrasîyî awan bikero. ''

Esedîyî da zanayene ke Abdullah Ocalanî kitabê girîngî nuştê û vat: ''Rayberê Şarê Kurdî Abdullah Ocalanî lîderêk o ke sey Mandelayî derbazê tarîxî bîyo. Şarê kurdî rixmê hêrişan zî payan ser de yo û xo ver dano. Seba ke birêz Ocalan bieşko rolê xo yê rayberîye bîyaro ca ganî cade vera bidîyo. Ey emrê xo dayo azadîya şarê kurdî. Nelson Mandela zî seba welatê xo û dinya bi rolêkê sîyasîyî têgêrebi. Hêvî kena ke seba Abdullah Ocalanî zî heman çi bibo. Kurdî seba cuyêka rûmetêne têkoşîn kenê coka peynî de do ser bikewê.''