ENAG: Enflasyono serrane bîyo se ra 129.27
ENAGî pare kerd ke enflasyono mengane bîyo 5.58, enflasyono serrane zî bîyo se ra 129.27. TUÎKî zî doneyanê xo ancî raştîyî vurnayî.
Ekonomîya welatî rîyê polîtîkayanê AKP-MHPyî ra her ke şina bena xirabêr.
Dezgehê Îstatîstîkan ê Tirkîya (TUÎK) û Koma Cigêrayîşanê Enflasyonî (ENAG) doneyê enflasyonî yê teşrîna peyêne eşkera kerdî.
Goreyê doneyanê ENAGî Endeksê Vaya Serfkaran (E-TUFE) enflasyon se ra 5.58î bi. Zêdîyayîşê 12 menganê peyênan ê E-TUFE se ra 129.27 bi.
Goreyê doneyanê TUÎKo ke bi fermanê îqtîdarî xebitîyeno, enflasyonê teşrîna peyêne se ra 3.28 û goreyê parî se ra 53.40 zêdîyayî.
