Endamê Grûba Haştîye ya Dîyine ya ke bi vengedayîşê Rayberê Şarê Kurdî Abdullah Ocalanî 29ê teşrîna verên a 1999î de Ewropa ra ameye Tirkîya, Ali Şukran Aktaş ke Îzmîr de tedawîya kanserî dîyênî, dinyaya xo bedilnaye.

Ali Şükran Aktaş pîya bi Haydar Ergul, Aygul Bidav, İmam Canpolat, Yusuf Kiyak, Aysele Dogan, Haci Çelik û Dilek Kurtî Ewropa ra amebi.

Endamê Grûba Haştîye ya Dîyine zî sey Grûba Verêne ameybî destbendkerdene û tepiştene. 8 endamê Grûba Haştîye yê ke Îstanbul de ameyî muhakemekerdene mabênê 7 û 15 serran de ceza dîyaye înan.

Aktaşo ke 2005 de zîndanî ra vejîya dewayêka bînî ra bi îdîaya '2propagandaya rêxistine'' ame tepiştene û 20 mengî cezaya zîndanî dîyaye ci. Aktaş bado ke zîndanî ra vejîya têkoşînê xo yê haştîye domna û 29ê çeleyê 2020î de sey endamê Heyetê Çimdarî yê Vaqfê Haştîye ame vîjnayene.