Partîya Sinn Feinî ya Îrlanda ra Endamê Parlamentoyê Ewropa Chris Macmanusî Medya Haber Tv de Erem Kansoyî rê qisey kerd.

Macmanusî pare kerd ke seba çareserîya meseleya kurdan ganî tecrîdê vera Rayberê Şarê Kurdî Abdullah Ocalanî bêro şiknayene û vat: '''Çareserîya meseleya kurdan bi azadîya Abdullah Ocalanî mumkîn a. Bi nê hawayî rolê ey ê seba haştîya şarê kurdî û şaranê Rojhelatê Mîyanênî derg û garantî bibê. Sey lîderêkî Ocalan ganî şarê xo reyde bibo yanî vera bidîyo.  Ez her kesî rê nê mesajî dana ke êyê ke haştî û aramîya herême wazenê ganî seba azadîya Abdullah Ocalanî têbigêrê. Seke mi vat ganî her çî ra ver ma azadîya Abdullah Ocalanî biwazê.''

Endama PE Lydie Massard zî mesajê hemanî dayî. Lydie Massard dîyar kerd ke bi mengan o Abdullah Ocalan heqanê xo ra bêpar yeno verdayene û vat: ''Sey endamanê PE erkê ma no yo ke ma bikerê ke her kes heqanê xo ra îstîfade bikero. Coka ewro ma vanê ganî Abdullah Ocalan heqanê xo ra îstîfade bikero. Ganî o keyeyê xo bivîno, înan rê agahîyan bişawo. Ganî keye û embazê Ocalanî tira agahîyan bigêrê. Ganî ma şerî rê çareserîyêka sîyasîye bivînê û na çareserîye zî ancax bi azadîya Ocalanî do mumkîn biba. Heta ke Ocalan azad nêbo na rewşe çareserîyêka mende do asteng bikera.''