Akademîsyenan verba hêzanê mîyanneteweyî yê ke bi bazaran destûr danê hêrişanê îşxalkaran ê Tirkî, tewirê xo mojnayî. Namdaran vat tehlûkeyê qirkerdişê serê Kurdan esto û bale ante serê hişmendîya dişmenîya Kurdan ê Erdogan.

Ziwanzan, fîlozof û tarîxnaso Amerîkayîj Noam Chomsky: "Milîsnê Kurdî taye bi hetkarîya DYA verba DAÎŞ'î şer kerd û bi, hezaran canî dayî. Dima ke DAÎŞ çin bîyo, DYA soz da ke verba hêrişanê Tirkî Kurdan bipawo. Şermêk o ke Rojawan însafê Erdoganî Esadî rê bêro veradeyene. Seba ke verba nê zulmî bêro girewtene çi destî rê bêro, bêro kerdene.

Zanîngehê Tre yê Roma Prof. Federîca Gîardînî: "Pawitişê Rojawanî yeno meneya pawitişê Rojakewtena Mîyanêne.  Nê hêrişê ke serê Kurdan de yê, serê hêvîya me ya cuya alternatîfe, hêrs û paştdayîşê çar alîyanê cîhanî yê.

Sosyolog,  Zanyarê Siyasetî Dr. Darîo Azzelînî: "Rojawan modelê cuye yê hetê zafê etnîkîyan û dînan ra ame sazkerdene yo, xoîdarekerdişê bi demokrasî û seba cinîyan têduştîya heqan o. Erdogan wazeno naye çin bike. Rojawan de qederê pêroyê herême do bêro dayene. Eke no îtîfaq derheqê plananê Rojawanî de ser bikewê, têna pê nayê do mird nêbê. Rojawan de û her cayê dinya de ganî ma verba nê şerî vinderê. No meseleyê merdimîye yo.

Zanîngehê Wagenîngen ê Hollanda ra Sosyolog Dr. Josst Jongerden: "Tirkîya sînorê Sûrîye de îdareyo xoser qebul nêkerd û  ey sey tehlûke dî û sey teror dana zanayene. Tirkîya bi hêrişanê xo wazena ke xo sey netewe-dewletêka bihêz herême de saz biko.

Zanîngehê Norwecî  yê Bergenî ra Prof. Karîane Westrheîm: "Kurdî di hewteyan ra nata qirkerdişî reyde rî bi rî benê. Hetê bînî ra dinya da her kes çalakîyanê verba nê zulmê û DYA de yê. Veng danê Kurdan ke hem seba xo hem zî seba înan xo ver bidê, anêgêrê. Ma sey dostanê Kurdan pêroyê rayîranê dîplomasî bixebitnê. Ganî ma na barbarîye reyde rî bi rî nêmanê, Kurdan û çalakîyanê înan reyde bibê.

 Zanîngehê Baselî yê Swîsre ra Sosyolog Prof. Ûelî Mader: "Hêrişê dewleta Tirkî serê Rojawanî protesto kena. Bi hezaran kesan koç kerd. Înan ra zafêrî Kurd ê. Hetkarîya DYA û Rûsya ya bi naye rê bi hewayêkê şaşî ewnîyena. Seba naye zaf girîng o ke Neteweyê Yewbîyayeyî bibê wayîrê tewirêko zelal."