Raja dîyine ya Rayraşîyayîşê Dergî yê enternasyonalîstan de aktîvîstî resayî Lozan û  meydanê Place de la Riponne de verê bînaya ke tede Pêkerdişê Lozanî ame kerdene de eşkerayîye daye.

Aktîvîstan vat:  ''Kurdîstan na bîna de ame çar letekerdene. Ma nê pêkerdişî qebul nêkenê, coka tîya eşkerayîye danê. Bi letekerdişê Kurdîstanî ame waştene ke kurdî bêrê çînkerdene. Na polîtîka hema zî dewam kena la vera nê înkarî  se serrî yo têkoşîn yeno kerdene. Ma ewro sey ciwananê enternasyonalîstan semedê azadîya Rayberê Şarê Kurdî Abdullah Ocalanî tîya de yê. Abdullah Ocalan binê tecrîdê giranî de yo la rixmê nê fîkrê ey sînorî nêşinasnenê. Hêzê ma est o ke ma tecrîdî û nê şerî bidê vindarnayene.''

Eşkerayîye de semedê paştdayîşê mexdûranê erdlerzê Kurdîstanî zî ame vengdayene. Ciwanî do roja hîrêne ya rayraşîyayîşî de Bernî ra ver bi Burgdorf Bahnhofplatzî rayra şirê.