Cenevre de Rayraşîyayîşê Dergî yê Enternasyonalîstan dest pêkerd

Cenevre de Rayraşîyayîşê Dergî yê Enternasyonalîstan o ke semedê azadîya Rayberê Şarê Kurdî Abdullah Ocalanî yeno kerdene, dîya destpêkerdene.

Bajarê Cenevre yê Swîsre de Rayraşîyayîşê Dergî yê  Enternasyonalîstan o ke semedê azadîya Rayberê Şarê Kurdî Abdullah Ocalanî yeno kerdene, dîya destpêkerdene.

Rayraşîyayîşê enternasyonalîstano ke  bi sloganê ''Seba ke şer, tecrîd û zulmo sîyasî biqedîyo, ma semedê haştîye demokrasî û azadîye raya şine'',  ''Felsefeya Rayber Apoyî cuya ma ya'' ame organîzekerdene Meydanê Place de Neuve yê Cenevre de dîya destpêkerdene. Aktîvîstê Enternasyonalîstî pê yeleganê moran ê ke ser o fotografê Abdullah Ocalanî û nuşteyê Freedom For Ocalan (Ocalanî rê azadîye)  esto, dest pê rayraşîyayîşî kerd.

Almanya, Îspanya-Katalonya, Portekîz, Fransa, Îngîlîstan, Swîsre, Slovenya, Bulgarstan, Kenya, Ekvator, Meksika, Macaristan, Avusturya, Brezîlya û Hindistanî ra 120î ra zafêr aktîvîstê enternasyonalîstî û xeylêk kurdîstanijî tewrê rayraşîyayîşî bîyî.