Badê vengdayîşê Rayber Apoyî yê 27ê sibate PKKyî adirbirnayîş îlan kerd. Nika gamê dewleta tirke yenê pawitene. Serekê Şubeyê ÎHDyî yê Amedî Ercan Yilmazî derheqê vengdayîşê Rayber Apoyî de ajansê ma rê qisey kerd.

Ercan Yilmazî bale ante muhîmîya vengdayîşê 27ê sibate ser û nê vatî: ''Semedê çareserîya meseleya kurdan ma ameyî merhaleyêka newî. Dewlete heta nika tim bi şîdet û pêkewtişî destûr nêda heqanê esasan ê kurdan. Ewro Birêz Ocalan bi vendayîşê xo verê metodî geno. PKKyî zî cade adirbirnayîş îlsan kerd. Nika gerek partîyê muxalefetî û rêxistinê komelê sîvîlî semedê serekwtişê nê têkoşînê azadîye têbigêrê. Gerek na mesele têna înfasê îqtîdarî rê nêro verdayene. 

Ma bertengê firsetêkê girdî de yê. Nê  10 serranê peyênan de kurdan û hetanê muxalî zaf bedelê girdî dayî. Dewlete gerek kerdişanê xo reyde bêro têrî. Gerek îqtîdar vera vengdayîşê Birêz Ocalanî gamanê pozîtîfan bierzo. Rêxistinê komelê sîvîlî zî gerek sey çimê hîrêyînî nê prosesî de ca bigîrê. Ma do rojanê verê xo heme rêxistinanê komelê sîvîlî yê Kurdîstanî Amed de kom bikerê û derheqê prosesî de komxabatêke bikerê.''