Serekkomarê Tirkîya Recep Tayyîp Erdoganî 'Berpirsîyarê Leşkerîye' yê Hîzbullahî efû kerd ke nê kesî Anqara de hîrê kesî bi îşkenceyêkê barbarî qetil kerdbi û dima bingeyê banê xo de binerd kerdbî.
Bi qerarê Serekkomarê Tirkîya Recep Tayyîp Erdoganî 'Berpirsîyarê Leşkerîye' yê Hîzbullahî Mehmet Emîn Alpsoyo ke dewaya Hîzbullahî de cezaya muebede girewtbî û Korgeneralo verên Çetîn Sanero ke dewaya 28ê Sibate de cezaya muebede girewtbî, vera dîyayî.
Berpirsîyarê Leşkerîye' yê Hîzbullahî Mehmet Emîn Alpsoyî Anqara de hîrê kesî bi îşkenceyê barbarî qetil kerdbî û meyîtê înan zemînê banê xo de dekerdbî binerdî.
Bi na bire cezaya Nîhat Îlîmano ke qestî ra kiştişî ra tepişîyabî û cezaya Sedat Çelîko ke bazirganîya tîryakî ra tepişîyabi ameye wedaritene.
