Seba Can TVyo ke kanalê elewîyan o û Almanya de weşan keno, Koln, London û Zurich de şewê paştdayîşî do bêrê kerdene.

Şaristanê Kolnî yê Almanya de Bergish Gladbach de, 26ê çeleyî de şewe do bêra kerdene. Hemsereka DBPyî Çîgdeme Kiliçgun Uçar do qisey bikera û hunermendî Tolga Sag, Evrîme Alî, Zaza Women do vejîyê sehne ser.

Swîsre de şaristanê Zurichî de, adresê Uitkonerstrasse 17 8952, Schlierenî de seate 13.00 de do bêra kerdene. Wekîlê DEM Partî Alî Bozan do tîya de qisey bikero.

Paytextê Îngilîstanî London de şewe 24ê çeleyî de, saete 17.00 de Cemxaneyê Londonî de do bêra kerdene. Wekîlê DEM Partî Alî Bozan do tîya de qisey bikero.