Koordînasyonê Partîya Çep a Keske yê Ewropa semedê vîjnayîşê 14ê gulane veng da vîjnayoxê ke Ewropa de yê. Eşkerayîya ke bi sernameyê  “Ma rayanê xo bişuxulnê, tebere welatî ra berê demokrasîyî abikerê” ameye dayene de nê ameyî vatene:

“ Şarê ma yo erjîyaye, cinî, ciwan, karker, kedkarî wextê bedilnayîşê girdi ame. Ma sey vîjnayoxanê ke teberê welatî de yê, semedê vîjnayîşê 14ê gulane yê Tirkîya, do mabênê 27ê nîsane û 9ê gulane de rayanê xo bişuxulnê. Her welatî de do tarîxanê cîya cîyayan de rayî bêrê şuxulnayene. Ma pê rayanê xo eşkenê welat de berê cehenemî biqefilnê û berê demokrasîyî abikerê. Pê destpêkerdişê bedilnayîşê ma, şarê ma bicoş û qerardarîye 14ê gulane de eşkeno ser bikewo. 

Ma tecrubeyanê xo yê verênan ê vîjnayîşî ra zanê ke her raye semedê qezenckerdişê wekîlan muhîm a. Mevajê rayêke se kena, rayêke eşkena yew dîktatorî bido war. Ma semedê azadîye û haştîye rayanê xo bidê Partîya Çep a Keske. Gerek ma berpirsîyarîya xo bîyarê ca, mabênê demokrasi û faşîzmî de qerarê xo bidê. Ma raya xo bidê Partîya Çep a Keske û nê îqtîdarê şerî, dişmenê cinîyan bidê war. Welat de rixmê  destbendkerdiş û tepiştişî xebatê vîjnayîşî bicoş yenê rayraberdene. Ma zî wezîfeyê xo bîyarê ca, bi rayanê xo Partîya Çep a Keske bikirişê meclîsî. Seba ke ma 15ê gulane de pîşman mebê, ma bi heme îmkan û enerjîya xo vajê ma  tîya de yê, ma do pîya bibedilnê.”