24ê teşrîna peyên a 2021yî ra nata bajarê Lozanî yê Swîsre de semedê azadîya fîzîkîye ya Rayberê Şarê Kurdî Abdullah Ocalanî çalakîya standî yena kerdene. Çalakîya ke hetê endamanê Merkezê Komelê Demokratîkî yê Kurdan, Meclîsê Cinîyan ê Lajîne û atkvîstanê Teko-JIN ra yena kerdene de  seba ke PKK lîsteya terorî ra bêro vetene îmzayî yenê arêdayene.

Aktîvîstî kitabanê Rayberê Şarê Kurdî Abdullah Ocalanî vila kenê, derheqê PKKyî de zanayîş danê û seba ke lîste ra bêro vetene îmzayan arêdanê.

Hetê bînî ra seba ke serrgêra Komployê 9ê Teşrîna Verêne nizdî beno dezgehê kurdan ê Swîsre semedê azadîya Ocalanî çalakîyan organîze kenê. Aktîvîstan semedê tewrbîyayîşê çalakîya ke do 8ê teşrîna verêne de Bern de bêro kerdene veng da.