Ceyhan de zî xeylêk kesî ameyî destbendkerdene
Silopîya ra dima qezaya Ceyhanî ya Adana de sereştişan de xeylêk kesî ameyî destbendkerdene.
Nêzdîbîyayîşê weçînayîşanê 14ê gulane reyde operasyonê qirkerdişê sîyasîyî zêdîyayî.
Goreyê agahîyanê ke ameyê girewtene qezaya Ceyhanî ya Adana de serê sibayî polîsan eşt xeylêk keyeyan ser û Abdulhekîm û Ramazan Bahadir zî tede xeylêk kesî destbend kerdî.
Sebebê destbendkerdişî nêzanîyeno.
Serê sibayî polîsanê tirkan çarçewa tehqîqatê Serdozgerîya Komare ya Şirnexî de qezaya Silopîya ya Şirnexî de zî eşt xeylêk keyeyan ser û ciwanî destbend kerdî.
