Wextê îqtîdarê AKPyî de karê ekonomî yê cematan zêdîya, cemaetî mîyanê kar û sîyasetî de bîyî wayîrê hêzî. Dewleta îqtîdarê AKPyî bi mîlyaran lîra dana cemat û tarîqatanê pabesteyê xo.

Nuştoxe Fatma Yavuz ANFyî rê qisey kerd û vist vîrî ke erkê cemaet û rêxistinanê dînîyan serkêşîya manewîyatî yo û vat: ''La Tirkîya de cemaetî peyê menfaetan û sîyasetê dinyawîyî de yê. Nê cemaet û rêxistinê dînîyî seba menfaetanê xo komelî bi rayîrê dînî îstîsmar kenê. Îqtîdarê AKPyî nînan sey ambalajî şuxilneno. Eke ma dewletêka huqûqî de biciwîyayêne cemaetî do nêeşkayêne şarî ra pereyan arê bidê yan zî bieşkê zî do bêrê kontrolkerdene.''

Nuştoxe Fatma Yavuz dîyar kerd ke Tirkîya de her dezgeh û her çi bi hawayêkê çewtî xebitîyeno û vat: ''Nêweşxaneyî benê cayê nêweşîyan, edlîyeyî benê cayê zulmî, îbadetxaneyî benê cayê guneyan.Na rewşe eşkera kena ke Tirkîya sîstemê huqûqî yê demokratîkî ra dûrî kewena. Seba ke cemaetî goreyê erkanê xo têbigêrê, karanê îlegalan nêkerê şert o ke sîstemê huqûqî yo demokratîk bi zixmî bêro awankerdene.''