Dewleta tirke ya îşxalkera ke Operasyonê Şorişgêrî yê Zapî de bin kewta, pêser kombîyayîşan kena. Wezîr Yaşar Guler û fermandarê artêşa tirke ya îşxalkere şîyî Şirnexî. Erdogan zî do wezîran reyde kombîyyaîşê rewşa îstîsnayîye bikero.
Ame parekerdene ke Operasyonê Şorişgêrî yê Zapî de gerîlayan xeylêk îşxalkerî ceza kerdê û dest nayo çekanê îşxalkeran ser.
Wezîrîya Paritişî ya dewleta tirke her çiqas xîret keno ke binkewtişê xo binimna neçare mende eşkera bikera ke 9 leşkerê ci merdê û 4 leşkerê ci birîndar bîyê.
Binkewtişî ra dima Wezîrê Pawitişî yê Tirkîya Yaşar Guler, Serfermandaro Pêroyî yê artêşa tirke Metîn Gurak û fermandarê bînî şîyî Şirnexî.
Erdogan zî do Qesra Dolmabahçe de 14.30 de wezîran reyde kombîyayîşê rewşa îstîsnayîye bikero.
Wezîrê Karanê Teberî Hakan Fîdan, Wezîrê Karanê Zereyî Alî Yerlîkaya, Wezîrê Pawitişî Yaşar guler, Serfermandar Metîn Gurak û Serekê MÎTî Îbrahîm Kalin zî do beşdarê kombîyayîşî bibê.
