Qezaya Gêxî ya Çewlîgî de hetê Yewîya Komeleyanê Gêxî ra Festîvala Xoza û Kulturî ameye organîzekerdene. Festîvala ke do 12-13ê tebaxe de biameyêne kerdene hetê qaymeqamîye ra ameye qedexekerdene.

Komîteya Amedekerdişê Festîvale ke derheqê qerarê qedexeyê de eşkerayîye daye vat bi bahaneyê qeza de cayê festîvale çîn o, ameye qedexekerdene.

Eşkerayîye de wina ame vatene: ''No tewir tewrirêko rind nîyo. Na vera şarê Gêxî û merdimîye xirabîyêk a. Her hetê welatî de wina festîvalî benê la Gêxî de yena qedexekerdene. Çîyo winayên nîno qebulkerdene. Waştişê ma o bi ke ma dej û keyfê xo bare bikerê. Ma pîya deyîranê kurdkî vajê û pîya gonvede bîgêrê.  Gêxî de qedexekerdişê aktîvîteyanê winayênan nîno qebulkerdene.''