Fotografê hepsîyan Bern de yenî nawitene

Bajarê Bernî yê Swîsre de sergîya fotografê fotografkêşanê zere û yê teberî amade kerdî, ameye nîşan dayene. Sergî do heta 27ê êlule akerde bimana.

Akerdişê sergîya fotografan ke hetê ekîbê ‘Gorulmuştur’ û grûba fotografan ya Redî ra ameya organîze kerdene de 68 hepsîyî û 60 fotografkêşî 30 zîndananê cîya-cîyayan de ameyî têhet, bajarê Bernî yê Swîsre de ame kerdene.

‘GANÎ MA WAYÎRÊ XEYALANÊ HEPSÎYAN BIVEJYÎ’

Akerdişê sergîye hetê HDK-Bern, ÎHDyê Swîsre û Zentrumî ra ame kerdene û qiseykerdişê akerdişî hetê selahîyetdaranê Merkezê Kulturî yê Entegrasyonî Zentrum 5î ra Brîkela Andreaye kerde. Dima ra avûkate Kamîle Ocele qisey kerde û bale ante zextê ke hepsîyan ser o benî ser. Ocele wina va: “Ganî ma wayîrê xeyalanê hepsîyan bivejyî. Çimkî ê seba ke ma azade û aştîye mîyan de bicuyî, ewja de yî.”

Ocele ra dima ekîbê ‘Gorulmuştur’ ra Adil Okayî qisey kerd. Okayî va ‘zextê ke hepsîyanê sîyasîyan rê benî, wextê Osmanîyan ra nata dewam kenî’ û rewşa Hasan Gulbaharî ser o melumatî dayî. Mektûba Gulbaharî wanîyaye.

Wendişê mektûbe ra dima Grûba Lelo ya muzîkî vejîyaye sehne û govende ameye girewtene. Sergî do heta 27ê êlule akerde bimana.

KESÊ KE ZÎNDAN DE YÎ: A. Rahîm Yildiz, Abdulkerim Aktaş, Adnan Oztel, Agît Becel, Ahmet Bîlge, Alî Osman Kose, Ayhan Kavak, Aynûr Eplî, Aysel Koçe, Bahar Demîre, Alev Yanare, Sevînç Sonmeze, Bejdar Ro Amed, Cevat Yerdegul, Denîz Tepelî, Dîdem Akmane, Ercan Bînay, Erdal Aslan, Erdal Susem, Erol Engîn, Eylem Başe, Fadîme Ozkane, Felemez Erdeme, Ferda Îldane, Fîkret Karakoç, Gonul Bûlûte, Gulazer Akine, Haci Nehsan, Halîl Gundogan, Hasan Gulbahar, Hasan Şahîngoz, Haydar Bayar, Haydar Demîr, Haydar Sonmez, Hidir Yildiz, Îbrahîm Şahîn, Kamîl Turanlioglû, Kasim Karataş, Kenan Karaaslan, M. Nûrî Ozen, Mehmet Bogatekîn, Mehmet Garîp Yaş, Melîh Gurler, Mertcan Karaaslan, Mesût Denî, Musa Şanak, Mûstafa Agcakaya, Nûrettîn Erenler, Ozgur Amed, Ozlem Ozdemîre, Resûl Kocaturk, Ridvan Yûsûfoglu, Rûşen Ozkane, Sadik Aslan, Samî Ozbîl, Selvî Kalene, Serdar Koç, Serkan Kaya, Seyît Oktay, Sînan Bulbul, Suat Bahadir, Şehnaz Şahîne, Şemsettîn Ozer, Velî Ozdemir, Yûsûf Demîr, Zekî Kayar, Zelîha Bûlûte, Zeynep Avci.

KESÊ KE TEBER DE YÎ: Adil Okay, Ahmet Demîrsoy, Akin Gedîk, Alî Osman Abali, Arîf Kiliç, Arzû Aybat Yaşare, Ateş Alpar, Atîlla Atala, Aysel Akbaba, Ayten Unale, Bese Balkane, Bîrgul Şahîne, Bûrcû Çatikere, Canan Mengune, Çagdaş Erdogan, Çetîn Aydin, Damla Atake, Dora Gunel, Emîne Başa, Emîne Meral Vûranoke, Engîn Çolakoglû, Enver Enlî, Erkan Bûlût, Fûlya Algule, Gul Ertûnane, Gulender Sonmeze, Guner Kaya, Hakan Tosûn, Halîl Dogan, Hayrî Tûnç, Hidir Gun, Kerîm Eren, Mehmet Ozer, Metîn Ekîncî, Metîn Yoksû, Mûrat Kicir, Nûrcan Alpinare, Orhan Denîz, Omur Egrîbel, Ozcan Yaman, Paşa Îmrek, Pembegul Gokçeke, Sadik Uçok, Sakîne Yildirane, Seda Oze, Selah Ozakin, Selmet Guler, Sûltan Esene, Sûltan Gunere, Sûltan Torbacioglu, Şakîr Saglam, Şerîfe Kiliçe, Tahîr Bozkûrt, Umran Duşunsele, Yasemîn Aslantaşe, Yeşîm Ogûze, Yilmaz Kîlîm, Yûrdal Bîlgîç, Yûsûf Aslan, Yuksel Ûygûn.

Sergî do 29 û 30ê êlule de bajarê Baselî de û 3 û 5 teşrîna verêne de zî bajarê Lozanî de bêra organîze kerdene.