Endama Dîwanê Hemserekîye yê Partîya Yewîya Demokratîke (PYD) Foza Yûsif ard ziwan ke dewleta tirke ya îşxalkere vera herême şero topyekûn da destpêkerdene û vat xoverdayîş zî do topyekun bo.

Foza Yûsifa ke seba seferberîye veng da şarî nê vatî: ''Dewleta tirke vera herême şero topyekun da destpêkerdene. Her çîyî hedef gena.  Pê nê hêrişan wazena herême de estbîyayîşê şarê ma biqêdîno. Cayê nê hêrişan qet yew huqûqê mîyanneteweyî de çîn o.''

Foza Yûsif vera hêrişan bale ante muhîmîya yewîye ser û vat,  ''Ma têkoşînê topyekûnî îlan kenê. Ganî şarê ma heme bajaran  û  dezgehan de vera nê şerî bibo seferber. Ma îdareyê xo û bajaranê xo bipawê. Ma her hele vera hêrişan bi ruhê seferberîye hazir bê. Ewro roja têkoşîn û rûmetî ya. Ganî ma bibê yew û vera hêrişanê dewleta tirke vinderê.''