AvEG-KONî îzehetêko nuştekî da û îzehetê xo de wina vato: “Ma veng danî kedkar û karkerê cayî û bextwaştoxan, cinî, ciwan û sewbîna heme hetan ke wa Erdogano dîktator û dewleta almanan ke ci dawet kena, protesto bikerî û beşdarê çalakîyê ke 28ê êlule de Berlîn û 29ê êlule de zî Koln de bêrî virştene bibî.”

AvEG-KONî da zanayene ke dewleta almanan bi no hawa reyna destekê xo seba dewleta tirkî nîşan daya û îzehetê xo de polîtîkayanê hêrişkaran yê AKPyî dayo vîr.

Dewamê îzehetê AvEG-KONî de wina ameyo vatene: “Lîsteya qetlîaman ke hukmatê Merkele 28 û 29ê êlule de do bibo hemkarê ci, xeylê derg a: Qetlîyamê Roboskê ke tede domanî zî estbî, qetlîamê Anqara û Pirsûsî, qetlîamê ke Cizîr, Sûr, Silopî û Gever de ameyî viraştene, qetlîamê ke Efrîn de ameyî viraştene, qetlîamê tebîetî yê Dêrsimî tena nînan ra çend hebî yî.”

AvEG-KONî vato ‘Erdoganî dîktatorîya kesêkî awan kerda’ û îzehetê xo wina qedênayo: “Ancax piştîdayîşyewbînanê şaran eşkeno hemkarîya dewletan xira bikero. Nê hemkarîyê dewletan tena şaranê Tirkîya, Kurdîstan û Rojhelatê Mîyanênî ser o nê, heme şaran ser o tesîr kenî. Ma dewleta almanan ke 28 û 29ê êlule de Erdoganî kena meyman, şermizar kenî.”