Wekîlê HDPyî Omer Faruk Gergerlîogluyo ke wekîlîya ci ameye wardayene û ame tepiştene verê ke bikewo zîndan vîdeoyêk ant.

Vîdeoyo ke hesabê Gergerlîogluyî yê medyaya sosyale de ameye parekerdene de mesajê xoverdayîşî yenê dayene.

Gergerlîogluyî vat: ''Hela ke şima nê vîdeoyî sery bikerî îxtîmalo ke ez zîndan de ya. Pê zordarî û xîleyan wazenê wekaletê şarî destê mi ra bîgîrê. La ez pê kagitî nê raşta wekîlê şarî ya. Ez do heta peynî vera na bêhuqûqîye  têkoşîn bikerê. Nika têna ez nê 90 hezar kesanê ke reyê xo dayê mi erzîyenê zîndan. Îradeyê înan ame hepskerdene. Ez do wekîlîya xo rê dewam bikerê. Qet yew hêz nêeşkeno hêvîya haştîye ya şaranê Tirkîya destê înan ra bîgêro. Ma do reyna vera neheqîyan têkoşînê heq huqûqî bikerê. Ez zana ke her hetî ra şarê ma mi rê dua keno. Ma do miheqeq agêrê. Zordarî nêeşkenê verê ma bigîrê.''

Gergerlîogluyî vat: ''Ez hem tirkî hem zî bi ziwanê ke yeno waştene bêro fatisnayene vana, ''Berxwedan Jiyan e' ( xoverdayîş ciwîyayîş o)''