Wekîlê HDPyî Omer Faruk Gergerliogluyo ke vizêr saetanê şanî de keyeyê ci de pê îşkenceyê polîsan amebi destbedkerdene nêweşxane ra ame remnayen û bêxeberedayîş ame berdene Zîndanê Sîncanî.

Goreyê zanayîşê ke Wekîlê HDPyî yê Agirî Abdullah Koçî dayî tedawîya Gergerlîogluyî nîme de ameye birnayene û ame berdene Zîndanê Sîncanî.

Lajê Gergelîogluyî Salîh Gergerlîogluyî dabi zanayene ke babîyê ey nêweşxane ra ameyo remnayene.

Heyetê HDPyî ke Gergerlîoglu nêweşxane de zîyaret kerd derheqê weşîya ey de zanayîş nêgirewtbi. Wekîlê HDPyî Mahmut Togrulo ke heyet de ca girewt vatbi Gergerlîoglu nêweşxane ra ameyo remnayene û ê nêzana sera berdo.